1 perditesime
Arbëri

Kurti: 654 milionë euro do të ndahen për komunat për vitin 2023

Kurti: 654 milionë euro do të ndahen për komunat për vitin 2023
Foto: KOHA
10:47

Kurti: 654 milionë euro do të ndahen për komunat për vitin 2023

Kryeministri i Kosovës, Albin Kurti, ka thënë se Qeveria do të ndajë 654 milionë euro për komunat për vitin 2023.

Kurti gjatë një takimi të shtunën me kryetarët e komunave, ka thënë se në buxhetin për vitin fiskal 2023 do të ketë rritje të buxhetit prej 15% për komunat e Kosovës.

“Qeveria e Kosovës është në fazën e përgatitjes së buxhetit për vitin fiskal 2023, në këtë buxhet reflektohet një rritje e buxhetit dedikuar nivelit komunal. Për herë të parë kemi rritje prej 15% të buxhetit për komunat në raport me 2022. Do të jenë 654 milionë euro që do tu ndahen komunave. Kjo rritje dot ë duhej të reflektojë edhe në rritjen e cilësisë së shërbimeve komunale karshi qytetarëve”, ka thënë Kurti.

Ai ka kërkuar bashkëpunimin e komunave me qeverinë për avancim.

“Kemi ndërmarrë shumë hapa reformues duke filluar me kornizën ligjore që rregullon pushtetin lokal. Qeveria e Kosovës ka ndërmarrë hapa konkret duke filluar nga hartimi i planit kombëtar të zhvillimit, hartimi i planit për zvogëlimin e barrës administrative. Jemi në fazën e fundit të hartimit të strategjisë për digjitalizimin e shërbimeve”, është shprehur Kurti.

Takimi i Kurtit me kryetarët e komunave po zhvillohen në Pejë. Aty po marrin pjesë edhe disa ministra dhe zëvendësministra.

07:55

Kurti takon sot kryetarët e komunave

Kryeministri Albin Kurti ka thirr të shtunën në takim kryetarët e komunave, me qëllim të koordinimit ndër-institucional mes Qeverisë dhe pushtetit lokal.

Sipas një njoftimit të Qeverisë, në këtë takim do të marrin pjesë kryeministri Albin Kurti, ministri i Administrimit të Pushtetit Lokal, Elbert Krasniqi, ministri i Financave Punës dhe Transfereve, Hekuran Murati, ministrja e Ekonomisë, Artane Rizvanolli, dhe kryetarët e Komunave të Republikës së Kosovës.

“Takimi do të ndodhë paradite në njërin nga hotelet në Pejë dhe do të diskutohet për performancën buxhetore e komunave dhe investimet kapitale, energjinë dhe ujërat, projektet komunale (investimet kapitale, agjenda e gjelbër, digjitalizimi në nivel lokal) dhe strategjinë për menaxhimin dhe kontrollin e qenve me dhe pa pronar”, thuhet në njoftim.