Zëdhënësja e Komisionit Evropian për Punët e Brendshme, Anitta Hipper ka theksuar domosdoshmërinë e harmonzimit të politikës së vizave në vendet e Ballkanit Perëndimor, me atë të Bashkimit Evropian për shkak të migrimit të parregullt.
Shqipëria dhe Serbia janë përmendur si dy vendet të cilave mund t’iu pezullohet udhëtimi pa viza nga Presidenca çeke deri në fund të këtij viti, për shkak të numrit të madh të migrantëve të parregullt që hyjnë në BE.
Por Hipper në një intervistë për DW-në ka thënë se Serbia është zotuar të përafrohet plotësisht me politikën e vizave të BE-së. Ndërsa theksoi harmonizimin e plotë të strategjive së vizave për Ballkanin Perëndimor.
“Ne punojmë ngushtë me Serbinë dhe partnerë të tjerë të Ballkanit Perëndimor. Siç u theksua nga Komisioni në Këshillin e Drejtësisë dhe Çështjeve të Brendshme, muajin e kaluar, është thelbësore që partnerët e BP të harmonizojnë politikat e tyre të vizave me atë të BE-së për të siguruar një migrim të menaxhuar mirë. Serbia pritet të përafrohet plotësisht me politikën e vizave të BE. Serbia është zotuar të marrë masa të shpejta dhe ne do të vazhdojmë ta ndjekim nga afër. Komisioni po monitoron dhe ka theksuar nevojën e harmonizimit të plotë të strategjisë së vizave nga Ballkani Perëndimor në kontekstin e Raporteve të Mekanizmit të Pezullimit të Vizave, Raporteve të Zgjerimit dhe takimeve të rregullta të Nënkomisioneve për Drejtësi dhe Çështje të Brendshme”, ka thënë ajo.
Intervista e plotë
© KOHA. Të gjitha të drejtat janë të rezervuara.
