Arbëri

Vrasësi i shtatzënës vetëvritet në prezencë të Policisë

 

Ministri i Punëve të Brendshme, Xhelal Sveçla, ka bërë të ditur se vrasësi i gruas shtatzënë H.M., është vetëvrarë të premten në prezencë të Policisë së Kosovës, pasi është lokalizuar.

“Pas një pune intenzive të të gjitha njësiteve të Policisë së Kosovës është arritur që të lokalizohet vendndodhja e vrasësit Sokol Halili. Përkundër tentativës së zyrtarëve policorë që të negociojnë dorëzimin, dorasi vret veten. Policia e Kosovës si dhe Inspektoriati Policor i Kosovës do të vazhdojnë hetimet për zbulimin e të gjitha rrethanave të vrasjes së gruas shtatëzënë dhe vetëvrasjes së dorasit”, ka shkruar Sveçla.