Arbëri

PDK: Mostrat e Deharit humbën në duart e Haxhiut, dorëheqje dhe hetim

 

Partia Demokratike e Kosovës ka bërë thirrje për dorëheqjen e ministres së Drejtësisë, Albulena Haxhiu, pasi që njoftoi se mostrat e Astrit Deharit, që ishte gjetur i vdekur në qelinë e paraburgimit në Prizren, më 5 nëntor të 2016-s, ishin zhdukur nga Instituti i Mjekësisë Ligjore.

Përparim Gruda nga Departamenti i PDK-së për Drejtësi në Kabinetin për Qeverisje të Mirë, në një konferencë për media të enjten, ka thënë se zhdukja e mostrave është përgjegjësi direkte e Haxhiut, derisa shtoi se duhet të niset një hetim i menjëhershëm.