Arbëri

Ngrihet aktakuzë ndaj 12 personave për rastin “Brezovica 1”

 

Prokuroria Themelore në Ferizaj ka ngritur aktakuzë ndaj 12 personave në rastin e njohur si “Brezovica 1”. Ndaj tyre rëndojnë aktakuza për keqpërdorim detyre, marrje e dhënie ryshfeti dhe armëmbajtje pa leje. Për rastin “Brezovica” janë arrestuar edhe më shumë persona ndërsa janë sekuestruar mbi 100 objekte të ndërtuara në Brezovicë, që dyshohet se janë bërë në kundërshtim me ligjet.

Afera “Brezovica” ka të bëjë me ryshfet dhe ndërtime pa leje në zonat e mbrojtura, në të cilën ishin përfshirë zyrtarë të lartë të shtetit, përfshirë ish-kryetarin e Komunës së Shtërpcës, Bratisllav Nikolliq, i cili dyshohet se për katër vjet ka marrë para dhe dhurata në këmbim të dhënies së lejeve ndërtimore në Parkun Kombëtar “Sharri”.