Arbëri

Tensionet në veri: Shqiptarët ndihen të frikësuar, serbët të “provokuar”

Veriu i Kosovës
Foto: Driton Paçarada / KOHA
 

Pas një nate me sulme të armatosura, situata në veriun e banuar kryesisht me serbë ka qenë e qetë të premten gjatë ditës. Banorë shqiptarë të veriut thonë se sulmet e ditëve të fundit kanë shtuar pasigurinë, për çka kanë nisur edhe zhvendosjet për në jug. E, serbët thonë se ndihen të provokuar nga shtimi i forcave policore.

Policia e Kosovës ka shtuar prezencën në lokacionet që këtë javë ishin cak i sulmeve dhe shpërthimeve në veri të Mitrovicës, të banuar kryesisht me serbë. Ata janë më të numërt në lagjet e banuara me shqiptarë.

Një ditë pas vendimit të MPB-së për shtimin e pjesëtarëve të policisë së Kosovës në veri, patrullimeve të policisë janë parë edhe në afërsi të “Tre Rrokaqiejve”, zonë e banuar nga shqiptarët.