Gërvalla: Çdo model i Asociacionit që lejon Serbinë të minojë sovranitetin duhet të refuzohet
Foto: Arkiv
Ministrja e Jashtme e Kosovës, Donika Gërvalla, ka shkruar pas diskutimit për Asociacionin, që është organizuar nga Ambasada e Shteteve të Bashkuara të Amerikës në Kosovë.
Sipas saj çdo model i Asociacionit që lejon Serbinë të minojë sovranitetin e Kosovës duhet të refuzohet.
“Çdo model që lejon Serbinë të minojë sovranitetin e Kosovës duhet të refuzohet nga të gjithë ata që synojnë paqen e qëndrueshme dhe marrëdhëniet e fqinjësisë së mirë në rajon”, ka shkruar Gërvalla në Twitter.
Të martën në Ambasadën e SHBA-së në Prishtinë është mbajtur një diskutim i mbyllur me zyrtarë shtetërorë, liderë politikë, diplomatë e organizata të shoqërisë civile, lidhur me Asociacionin e komunave me shumicë serbe në Kosovë.
