Dukuria e pazakontë e motit të ftohtë ka përfshirë Ballkanin Perëndimor, duke sjellë të reshura të borës dhe stuhi që bllokuan trafikun në pjesë të shumta të rajonit.
Banorët në kryeqytetet e Kosovës, Serbisë e Bosnjë-Hercegovinës u zgjuan me pamjen e pemëve dhe shkurreve të mbuluara me borë.
Në Kroaci dhe në Mal të Zi, erërat e pamundësuan qarkullimin e shumicës së linjave të trageteve përgjatë vijës bregdetare të Detit Adriatik dhe e nxitën vonesën e fluturimit nga kryeqyteti Podgorica drejt Beogradit.
Në të gjithë rajonin, temperaturat gjatë së martës ranë në rreth apo nën zero gradë Celsius. Autoritetet në Serbi njoftuan se dy vajza pësuan lëndime, pasi dega e një peme të ngarkuar me shtesë të rëndë bore ra mbi to. Vajzat u dërguan në spital, për trajtim.
Bora ndikoi edhe në bllokimin e disa rrugëve në Serbinë jugore dhe atë jugperëndimore, përderisa në disa fshatra u shkëput furnizimi me energji elektrike.
Ndërkaq, si pasojë e rrëshqitjes nga rruga të një autobusi që transportonte punëtorë për turnin e tyre të mëngjesit, shkaktoi lëndime të lehta te 18 persona, njoftuan autoritetet.
© KOHA. Të gjitha të drejtat janë të rezervuara.
