Për tri vjet radhazi, Toyota shpallet prodhuesi me më së shumti shitje në botë

Prodhuesi japonez i veturave, Toyota, ka shitur 10.5 milionë automjete në vitin 2022, duke mbrojtur titullin e saj si prodhuesi me më së shumti shitje në botë për të tretin vit radhazi, raportoi të mërkurën “Autonews”.

Shitjet globale për grupin, duke përfshirë njësinë e kamionëve Hino dhe prodhuesin e veturave Daihatsu, kanë rënë për 0.1 për qind pasi shitjet rekord jashtë shtetit prej 8.6 milionë automjetesh kanë ndihmuar të kompensojnë një rënie prej 9.6 për qind në tregun e saj vendas në 1.9 milionë, ka njoftuar kompania përmes një deklarate.