Blerësit potencialë të veturave në Kinë kanë zbuluar se një reklamë në internet për një makinë sportive luksoze ishte shumë e mirë për të qenë e vërtetë.
Një përfaqësi e Porsches në qytetin Yinchuan listoi automjetin e ri për 18,300 dollarë.
Kjo është vetëm një pjesë e asaj që duhet të ishte. Panamera ka një çmim fillestar prej 148,000 dollarë.
Promovimi tërhoqi qindra blerës të mundshëm që nxituan të siguronin atë që dukej të ishte një pazar.
Një zëdhënës i prodhuesit gjerman të veturave tha për BBC-në se promovimi "përmbante një gabim serioz në çmimin e listuar me pakicë", i cili u hoq menjëherë.
Përfaqësia gjithashtu kontaktoi "çdo ofertues individualisht dhe shpjegoi situatën duke kërkuar falje".
Incidenti bëri bujë në mediat sociale kineze, me një komentues që postoi "Kjo është arsyeja pse unë nuk blej Porsche".
Të tjerë menduan se ishte thjesht një strategji promovuese që ishte "e kryer mirë".
U sugjerua gjithashtu se kompania kishte qenë "e papërgjegjshme" dhe duhej të kishte respektuar ofertën e çmimit të ulur.
© KOHA.
