Botë

SHBA, shkallëzohen përplasjet mes demokratëve dhe Presidentit

SHBA, shkallëzohen përplasjet mes demokratëve dhe Presidentit

Presidenti Donald Trump po vijon me sulmet ndaj ligjvënësve demokratë që drejtojnë procedurat për ngritjen e akuzave për shkarkimin e tij. Ai akuzoi të mërkurën kryetarin e komisionit të Zbulimit Adam Schiff për tradhti si dhe sulmoi gjithashtu informatorin e paidentifikuar i cili informoi me shqetësim rreth një telefonate të zotit Trump me homologun e Ukrainës.

Presidenti republikan e ka kritikuar vazhdimisht hetimin për shkarkimin e tij, gjë që u nxit nga një bisedë telefonike e tij me Presidentin e Ukrainës, gjatë së cilës kërkoi një hetim që do të dëmtonte kundërshtarin politik të tij, ish-nënpresidentin Joe Biden.