Botë

Polonia zgjedh parlamentin e ri - vendi i ndarë

Polonia zgjedh parlamentin e ri - vendi i ndarë
 

Të dielën polakët zgjedhin parlamentin e ri. Për tre ish-presidentë zgjedhjet vendosin, nëse Polonia do të jetë një shtet ligjor apo do të rrëshqasë drejt autoritarizmit. Qeveria thotë se rikonfirmon paktin me qytetarët.

Tek partia nacionalkonservatore polake, “Ligj dhe Drejtësi”, PiS janë kaq të bindur për fitoren, saqë mendojnë, se vetëm mund të pengohen me këmbët e tyre. Jaroslaw Kaczynski, në dukje deputet i thjeshtë, por që vendos në parti, thotë: “Ne kemi shumicën e shoqërisë pas vetes, por nëse kjo shumicë shkon e gjitha të votojë, nuk dihet ende. Nëse po, ne do të fitojmë, nëse jo, atëherë do të jetë disi më dobët”.