Presidenti ukrainas pret kompensim dhe hetim të plotë nga Irani për aeroplanin e rrëzuar

Ukraina pret një hetim të plotë, pranim të plotë të fajit dhe kompensim nga Irani pas rrëzimit të një aeroplani ukrainas me pasagjerë, ka thënë presidenti ukrainas, Volodymyr Zelenskiy, në një deklaratë të lëshuar të shtunën.

Irani tha se e kishte rrëzuar gabimisht një aeroplan duke vrarë të 176 personat në të dhe ka shprehur keqardhjen e thellë të tij, pasi fillimisht kishte mohuar rrëzimin e aeroplanit gjatë ngjarjeve pas goditjes me raketa të disa bazave ushtarake amerikane në Irak, raporton Reuters.