Turizmi i Kubës goditet rëndë nga SHBA-ja Foto: Reuters

Turizmi i Kubës goditet rëndë nga SHBA-ja

21 January 2020 16:59

Plazhet, hotelet dhe pishinat në Kubë që shpresonin se do të jenë të mbushura me turistë të huaj, janë goditur rëndë nga masat e rrepta të administratës së presidentit të SHBA-së, Donald Trump, për udhëtim në shtetin komunist.

Të dhënat e vitit të kaluar tregojnë se numri i turistëve në Kubë nga muaji qershor deri në korrik, ka rënë për 20 për qind.

Sipas punëtorëve në sektorin e turizmit, rënia e numrit të turistëve ka lënë të papunë qindra njerëz dhe ka shtyrë që çmimet të bien me të madhe në plazhet më të njohura të bregut jugor, transmeton KTV.

Turizmi i Kubës kishte filluar të këndellej pas përmirësimit të marrëdhënieve nën administratën e ish-presidentit amerikan, Barack Obama, por me ardhjen e Trumpit situata ka ndryshuar.

Administrata e tij ka pasur në cak dy sektorë, turizmin dhe investimet e huaja.

Sanksionet janë pjesë e presionit ndaj qeverisë komuniste që të bëjë reforma dhe të ndalë përkrahjen për presidentin e Venezuelës, Nicolas Maduro.

© KOHA

Komentet

Shto koment

Të ngjashme