Në Gjermani regjistrohet rasti i parë i koronavirusit

Në Gjermani regjistrohet rasti i parë i koronavirusit

28 January 2020 10:48

Për herë të parë në Gjermani, autoritetet kanë regjistruar rastin e parë të koronavirusit të tipit të ri (2019-nCoV), i cili u përhap nga qyteti Wuhan i Kinës.

Sipas një njoftimi të Ministrisë bavareze të Shëndetësisë, bëhet fjalë për një person të infektuar me virusin në rajonin Starnberg.

Grupi punues për infeksione, i formuar në Departamentin e Shëndetësisë dhe Ushqimit të shtetit bavarez, ka thënë se personi i prekur është në gjendje të mirë, është marrë në karantinë dhe po mbahet nën vëzhgim.

Në njoftim thuhet se personat me të cilët pacienti ka pasur kontakt janë informuar detajisht mbi simptomat e mundshme, masat parandaluese higjienike dhe mënyrat e ngjitjes së virusit, ndërsa theksohet se aktualisht, gjasat e bavarezëve për t'u infektuar me virusin e ri janë "të ulëta".

Në Kinë 106 njerëz kanë humbur jetën si pasojë e epidemisë së koronavirusit të tipit të ri, i cili për herë të parë u vërejt më 12 dhjetor në Wuhan, ndërsa gjithsej 4.515 janë infektuar.

Komentet

Shto koment

Të ngjashme