Mesazhi i Merkelit për kujdes nga koronavirusi Foto: Reuters

Mesazhi i Merkelit për kujdes nga koronavirusi

15 March 2020 09:13

Kancelarja gjermane Angele Merkel u ka bërë thirrje qytetarëve që të reduktojnë sa më shumë kontaktet me njëri-tjetrin, në mesazhin e saj për kujdes nga koronavirusi.

Përmes një videoje, ajo ka thënë se “është koha kur të gjithë mund të dëshmojë se sa mendojmë dhe sa bëjmë edhe për tjetrin”.

“Këtë mund ta bëjnë të gjithë sepse disa lidhje këto kohë do të ndërpriten. Për shemubll, ekspertët na thonë që gjyshërit të mos takohen me mbesat e nipërit. Sepse duam të sigurojmë që më të rrezikuarit nga ky virus të mos kenë nevojë të shkojnë në spital, e të mos infektohen fare. Gjithkush mund të ndihmojë me sjelljen e tij që të ngadalësohet shpejtësia e infektimit e të mos mbingarkohet sistemi ynë shëndetësor”, ka thënë tutje ajo.

Sipas të dhënave të Organizatës Botërore të Shëndetësisë, në Gjermani të infektuar me koronavirus janë gati 4600 persona. Deri tash aty kanë vdekur nëntë persona.

© KOHA. Të gjitha të drejtat janë të rezervuara.

Komentet

Shto koment

Të ngjashme