Botë

Sistemi shëndetësor në Jemen ka pësuar kolaps

Sistemi shëndetësor në Jemen ka pësuar kolaps
Foto: Reuters

Koronavirusi është duke u përhapur në tërë Jemenin, ku tashmë sistemi shëndetësor “ka pësuar kolaps”, ka thënë OKB-ja të premten, duke kërkuar ndihma urgjente për këtë shtet, raporton Reuters.

“Agjencitë humanitare në Jemen thonë se përhapja e virusit është duke ndodhur nëpër tërë shtetin. Situata është alarmante dhe thonë se sistemi i shëndetësisë ka pësuar kolaps. Punonjësit humanitarë janë duke i refuzuar pacientët, sepse nuk kanë oksigjen mjekësor të mjaftueshëm dhe nuk kanë mjete mbrojtëse personale. Janë dërguar punonjës humanitarë me aeroplan të enjten, por në fakt vendasit janë duke e bërë punën kryesore në teren”, ka thënë Jens Laerke, zëdhënës i Zyrës së OKB-së për Koordinimin e Marrëdhënieve Humanitare.