Botë

SHBA-ja ia kërkon OBSH-së hetimin e menjëhershëm të burimit të virusit

SHBA-ja ia kërkon OBSH-së hetimin e menjëhershëm të burimit të virusit

Shtetet e Bashkuara të Amerikës i kanë bërë thirrje të premten Organizatës Botërore të Shëndetësisë që t’i fillojë menjëherë hetimet për evidentimin e burimit të koronavirusit të ri, si dhe për përgjigjen e saj ndaj pandemisë. Thirrja u adresua në ditën kur bilanci i përgjithshëm global i rasteve me koronavirus ka mbërritur në 5.1 milionë, ndërsa ai i vdekjeve në 333.702.

“Siç presidenti amerikan, Donald Trump, e ka bërë plotësisht të qartë në letrën e tij adresuar drejtorit të OBSH-së, nuk kemi kohë për të humbur për nisjen e reformave, të cilat janë të domosdoshme për të garantuar që një pandemi e këtillë të mos përsëritet”, ka thënë ndihmësi i sekretarit amerikan të Shëndetësisë, admirali Brett Giroir, në letrën dërguar këshillit ekzekutiv të Agjencisë së OKB-së.