Botë

Varhelyi: Evropa ka dështuar në Srebrenicë

Varhelyi: Evropa ka dështuar në Srebrenicë
Foto: AP

Evropa ka dështuar në Srebrenicë dhe nuk duhet të harrojë mosveprimin e saj në parandalimin dhe ndaljen e gjenocidit. Kështu ka thënë të premten komisari i Bashkimit Evropian për Zgjerim, Oliver Varhelyi, gjatë seancës së posaçme të Parlamentit Evropian për shënimin e 25-vjetorit të masakrës më të rëndë në Evropë që nga Lufta e Dytë Botërore.

Ai me këtë rast e cilësoi gjenocidin në Srebrenicë si një plagë të hapur në zemër të Evropës. Mbi 8 mijë burra dhe djelmosha myslimanë janë vrarë nga forcat serbe të Bosnjës në masakrën e 25 vjetëve më parë, të cilën Gjykata Ndërkombëtare e Drejtësisë në Hagë e kategorizoi si gjenocid më 2007. Prandaj Varhelyi ka kërkuar që të pamundësohet çdo përpjekje për mohimin e gjenocidit.