Botë

Maxwell deklarohet e pafajshme për akuzat

Maxwell deklarohet e pafajshme për akuzat
Foto: ABC

Ghislaine Maxwell, ish-e dashura e abuzuesit seksual Jeffrey Epstein, është deklaruar e pafajshme të martën për rastin e ngritur kundër saj në gjykatën federale në Manhattan lidhur me akuzat për trafikimin e të miturave.

Një deklarim të tillë ajo e bëri përmes një video-lidhjeje nga New Yorku, ku po mbahet e burgosur në pritje të gjykimit. Avokatët e saj kanë kërkuar lirimin e Maxwellit me dorëzani prej 5 milionë dollarësh shkaku i rrezikut nga prekja prej koronavirusit në burg. Mirëpo prokurorët federalë në SHBA kanë thënë se ajo mund të ikën nga vendi dhe prandaj duhet të mbetet në paraburgim.