Arrin në dhjetë numri i viktimave nga tajfuni “Goni”

Së paku dhjetë persona kanë vdekur dhe tre tjerë mbesin të zhdukur pasi tajfuni “Goni”, tajfuni më i fuqishëm këtë vit, ka goditur në jug të Filipineve të dielën, raporton agjencia Reuters.

Të vdekurit dhe të zhdukurit janë të gjithë nëpër fshatrat në rajonin Bicol në provincën Albay, është njoftuar nga autoritetet filipinase.

Filipinet janë goditur nga tajfuni më i fuqishëm i vitit 2020.

Tajfuni “Goni” me shpejtësi deri në 225 kilometra në orë, ka lënë të vdekur katër persona dhe ka shkatërruar qindra shtëpi, raporton BBC.

Meteorologët kanë paralajmëruar se stuhia ende nuk është dobësuar dhe mund të shkaktojë përmbytje e rrëshqitje të dheut. “Goni” është tajfuni më u fuqishëm që prej atij të vitit 2013 kur humbën jetën më shumë se 6 mijë njerëz.

© KOHA. Të gjitha të drejtat janë të rezervuara.