Botë

Bosnja i ka larguar emigrantët nga kampi i djegur

Foto: Reuters
 

Qindra emigrantë janë transportuar me autobusë në Bosnjë, derisa po presin që të vendosen në një tjetër lokacion pas djegies së kampit në Lipa.

Më shumë se 1.400 emigrantë mbetën pa strehë javën e kaluar, kur u dogj kampi më i madh në ish-republikën jugosllave. Kampi, në afërsi të Bihaçit, në rajonin e Krajinës në kufi me Kroacinë, edhe ashtu ishte vlerësuar nga zyrtarët ndërkombëtarë dhe organizatat humanitare se nuk i përmbushte as nevojat elementare për refugjatët dhe emigrantët nga Azia dhe Afrika Veriore.