1 perditesime
Botë

Presidenti i Këshillit Evropian kërkon që menjëherë të lirohet Navalny

Presidenti i Këshillit Evropian kërkon që menjëherë të lirohet Navalny
Foto: AP
20:37

Presidenti i Këshillit Evropian kërkon që menjëherë të lirohet Navalny

Presidenti i Këshillit Evropian, Charles Michel, ka bërë thirrje që menjëherë të lëshohet nga burgu kritiku i Kremlinit, Alexei Navalny.

Navalny është arrestuar në aeroport në Moskë, derisa po kthehej atje nga Gjermania ku ishte për shërim pasi ishte helmuar muaj më parë.

“Arrestimi i Alexei Navalny pas ardhjes në Moskë është i papranueshëm”, ka thënë Michel.

“Thërras autoritetet ruse që menjëherë ta lëshojnë atë”, ka vazhduar më tej, shkruan Reuters.

19:20

Arrestohet Navalny në aeroportin e Rusisë

Policia ruse ka arrestuar kritikun e Kremlinit, Alexeiu navalny, në kontrollit e pasaportave pasi kishte arritur në Rusi të dielën, ka konfirmuar avokati i tij, nga burgu dhe dëshmitarë për Reutersin.

Kjo është hera e parë që Navalny kthehet në shtëpi pasi ishte helmuar verën e kaluar. Aeroplani ku ishte, kishte ateruar në një aeroport tjetër të Moskës nga ai që ishte paralajmëruar.

Navalny është arrestuar kur po u tregonte pasaportën e tij zyrtarëve të kufirit para se zyrtarisht të futej në Rusi, thanë dëshmitarët. Gruaja e tij, zëdhënësi dhe avokati i tij janë lejuar të futen në Rusi.

Nuk është bërë e qartë se pse është arrestuar, megjithatë zyrtarët e burgut kishin thënë më herët se do të bënin gjithçka për ta arrestuar atë sapo të kthehej, duke e akuzuar për shkelje të dënimit me kusht.