Botë

Partia Republikane në luftë me vetveten

Partia Republikane në luftë me vetveten
Foto: AP
 

Një luftë e ftohtë është në zhvillim e sipër përbrenda Partisë Republikane, teksa anëtarët kanë filluar të peshojnë se sa ish-presidenti Donald Trump dhe trashëgimia peshojnë në të ardhmen e subjektit.

Disa syresh nën udhëheqjen e Kongresit kanë sinjalizuar vullnet për ta çuar partinë përtej Trumpit, me anë të impiçmentit dhe dënimit të tij. Nga ana tjetër, aleatë të ish-presidentit po e proklamojnë besnikërinë e tyre ndaj tij nëpër mediat konservatore, si dhe në organizatat shtetërore dhe lokale të partisë. Megjithëkëtë, republikanët e tjerë druajnë se fuqia e Trumpit mund ta dëmtojë partinë në zgjedhjet e mesmandatit dhe t’ua vështirësojë gjasat elektorale me anë të qasjes së tij populiste-konservatore.