Botë

Shefi i FBI-së e quan dhunën në Capitol produkt të “terrorizmit të brendshëm”

Shefi i FBI-së e quan dhunën në Capitol produkt të “terrorizmit të brendshëm”

Drejtori i Byrosë Federale amerikane të Hetimeve (FBI), Chris Wray, e ka dënuar të martën para ligjvënësve në SHBA dhunën e 6 janarit në ndërtesën e Kongresit amerikan, duke e quajtur rastin “terrorizëm të brendshëm”. Ai ka thënë gjithashtu se FBI-ja nuk ka pasur qasje në ndonjë provë përmes së cilës do të mund të mbërrihej në përfundimin se protestuesit që morën pjesë në sulmin e 6 janarit mbi Capitol ishin “protestues të rremë pro-Trump”.

 

Duke dëshmuar publikisht për herë të parë që kur protestuesit pro-Trump sulmuan ndërtesën e Capitolit, gati dy muaj më parë, Wray është pyetur nga kryesuesi i Komitetit të Senatit për Drejtësi, senatori Dick Durbin, rreth asaj nëse FBI-ja ka parë ndonjë provë se individët e përfshirë në sulmin më 6 janar shtireshin se janë përkrahës të Trumpit – pretendim ky të cilin demokrati nga Illinoisi e ka quajtur “gënjeshtra e madhe e radhës”

Drejtori i Byrosë Federale amerikane të Hetimeve (FBI), Chris Wray, e ka dënuar të martën para ligjvënësve në SHBA dhunën e 6 janarit në ndërtesën e Kongresit amerikan, duke e quajtur rastin “terrorizëm të brendshëm”. Ai ka thënë gjithashtu se FBI-ja nuk ka pasur qasje në ndonjë provë përmes së cilës do të mund të mbërrihej në përfundimin se protestuesit që morën pjesë në sulmin e 6 janarit mbi Capitol ishin “protestues të rremë pro-Trump”.

Kësisoj, Wray ka hedhur poshtë pretendimin e pabazë që ishte shtyrë përpara nga senatori republikan Ron Johnson gjatë javëve të fundit, teksa ai mundohej të nënvlerësonte përmasat e dhunës së nxitur nga përkrahësit e ish-presidentit amerikan, Donald Trump.