Botë

Papa dhe hija e masakrës së të krishterëve në Irak

Papa dhe hija e masakrës së të krishterëve në Irak
Foto: AP

Bagdad, 5 mars (AP) - Dita nisi si çdo tjetër e diel në kishën Zonja e Shpëtimit në Bagdad për besimtarin katolik Louis Climis. Ajo ditë, gati 11 vjet më parë, do të mbaronte me pellgje gjaku, ankth dhe jetë të humbura.

 

Shpërthimi i fuqishëm e hodhi Climisin përtokë. Sytë e tij të mjegulluar po rrotulloheshin në hatanë që sapo kishte filluar – tym, mbeturina dhe britma të pafundme. Besimtarë të shtrirë për tokë. Nuk merrnin frymë

Bagdad, 5 mars (AP) - Dita nisi si çdo tjetër e diel në kishën Zonja e Shpëtimit në Bagdad për besimtarin katolik Louis Climis. Ajo ditë, gati 11 vjet më parë, do të mbaronte me pellgje gjaku, ankth dhe jetë të humbura.

Gjashtë terroristë të “Al-Qaedas” sulmuan dhe rrethuan kishën, duke marrë jetën e dhjetëra njerëzve brenda. Në atë kohë, sulmi i 31 tetorit 2010 ishte më i përgjakshmi në serinë e dhunës ndaj të krishterëve të Irakut gjatë luftës sektare, pas pushtimit të këtij shteti nga Shtetet e Bashkuara të Amerikës në vitin 2003. Një dekadë më vonë, ende cilësohet si sulmi më vdekjeprurës ndaj komunitetit katolik në Irak.