Botë

Shtimi i rasteve me COVID-19 rikthen gjysmën e Italisë në izolim total

FOTO: AP
 

Rreth gjysma e shtetit të Italisë – përfshirë kryeqytetin Romë, kryeqendrën financiare, Milano dhe rajonin e Lazios – do të vihen në izolim të tërësishëm, duke nisur nga e hëna, si pasojë e shtimit drastik të rasteve të infektimit me koronavirus.

Qeveria italiane ka miratuar të premten kërkesën e kryeministrit Mario Draghi, për t’i dhënë dritë jeshile dekretit që do t’i kategorizonte këto rajone si pjesë e “zonës së kuqe” me rrezikshmëri të lartë nga COVID-19.