Botë

Irani zotohet për hakmarrje pas “sulmit izraelit”

Irani zotohet për hakmarrje pas “sulmit izraelit”
Foto: AP
 

Centrifugat e reja të avancuara për pasurimin e uraniumit porsa ishin aktivizuar. Izraeli nuk e ka komentuar incidentin në impiantin e Natanzit, por radioja publike izraelite ka cituar burime të Inteligjencës të kenë thënë se ky operacion është kryer nga “Mossadi”, shërbimi sekret i Izraelit

Ministri i Jashtëm iranian ka shpalosur të hënën synimin e vendit të tij “për të marrë hak” ndaj një sulm të ndërmarrë në një impiant bërthamor nëntokësor, për të cilin vendi ka fajësuar hapur Izraelin.

Teherani zyrtar ka njoftuar se uzina për pasurimin e uraniumit në Natanz ishte cak i “terrorizmit bërthamor” të dielën, pasi që fillimisht u raportua për dështim të sistemit elektrik.