Botë

Bideni u reziston thirrjeve publike për presion Izraelit

 

Nuk janë marrë parasysh thirrjet e diplomatëve të Këshillit të Sigurimit të OKB-së dhe të ministrave të Jashtëm të shteteve islamike për armëpushim, as pas një jave me bombardime ajrore izraelite që vrasin edhe gra e fëmijë në Gazë, dhe hedhjes së raketave nga Hamasi në drejtim të Izraelit.

Presidenti amerikan, Joe Biden, nuk ka treguar asnjë shenjë për t’i bërë publikisht presion Izraelit rreth armëpushimit të menjëhershëm, pavarësisht thirrjeve nga disa demokratë që administrata e Bidenit të përfshihet më shumë në krizën e fundit.