Botë

Liderët BE-së mbështesin sanksionet ndaj Bjellorusisë shkaku i kidnapimit të avionit civil

Samiti i parë me praninë fizike të liderëve të Bashkimit Evropian në Bruksel, ndonëse ishte planifikuar të diskutohej për shumë çështje, u dominua të hënën nga bisedimet se si do t’i përgjigjej BE-ja situatës së paparë deri më tash të kidnapimit të një avioni civil prej një regjimi diktatorial.

 

Shumë vende të BE-së ua kanë ndaluar kompanive të tyre të fluturojnë në hapësirën ajrore të Bjellorusisë. Uljen e detyrueshme në Minsk të avionit të “Rayanair” prej Athinës për në Vilnius, nga i cili u morr gazetari disident, Roman Protasevich dhe partnerja e tij Sofia Sapega, disa liderë të bllokut së e quajtën si “terrorizëm shtetëror”. Si pasojë, BE-ja do të vendosë sanksione ndaj personave përgjegjës për këtë

Samiti i parë me praninë fizike të liderëve të Bashkimit Evropian në Bruksel, ndonëse ishte planifikuar të diskutohej për shumë çështje, u dominua të hënën nga bisedimet se si do t’i përgjigjej BE-ja situatës së paparë deri më tash të kidnapimit të një avioni civil prej një regjimi diktatorial.

BE-ja e njohur për reagime të ngadalshme dhe të plogështa, kësaj radhe është e përballur me presionin që të bëjë diçka konkrete dhe të shpejtë, ngase regjimi i Alexander Lukashenkos kishte detyruar një avion civil nga BE-ja, që shkonte nga një shtet i BE-së në një shtet tjetër të BE-së, të ulej dhunshëm në Minsk, duke mbajtur për disa orë praktikisht si pengje qytetarë të BE-së.