Botë

Greqia me thirrje për shmangien e udhëtimeve të panevojshme

FOTO: AP
 

Greqia e përballur me valë të të nxehtit ekstrem u ka tërhequr vërejtjen qytetarëve që të mos ndërmarrin udhëtime dhe punë të panevojshme, teksa temperaturat kanë arritur deri në 40 gradë Celsius.

Shkaku i vapës, Akropolisi i lashtë është mbyllur për vizitorët. Temperaturat e larta kanë mbizotëruar në vend për ditë me radhë, ndërkaq meteorologët kanë bërë të ditur se të hënën dhe të martën e javës së ardhshme temperaturat mund të arrijnë në nivelin rekord për sivjet, duke shënuar 44 gradë celsius.