Botë

Ekstremet klimatike po e plandosin Evropën Juglindore

 

Kushtet ekstreme klimatike kanë goditur edhe Bosnjë-Hercegovinën, Bullgarinë, Italinë, Rumaninë, Serbinë dhe Turqinë, ku flakët vdekjeprurëse kanë hyrë në ditën e tetën radhazi dhe kanë nxitur evakuimin masiv të turistëve nga resorët turistikë. Banorët në kryeqytetin grek, Athinë, janë udhëzuar që të qëndrojnë brenda shtëpive, duke i mbajtur dyert dhe dritaret mbyllur shkaku i cilësisë jo të mirë të ajrit si pasojë e zjarreve që kanë rrethuar qytetin

Vapa ekstreme dhe zjarret e furishme kanë vazhduar të mërkurën në pjesë të tëra të Evropës Juglindore, një ditë pasi që temperaturat në Greqi kanë shënuar në 47.1 gradë celsius dhe janë bërë sebep për t’u dhënë hov flakëve në zona të shumta malore.

Greqia po ballafaqohet me temperaturat më të padurueshme ndër dekada, teksa është vënë nën alarm të kuq sherri i përhapjes së zjarreve.