Botë

Bilanci global i infektimeve kalon 200-milionëshin, teksa Delta po përhapet hovshëm

Foto: AP

Numri i rasteve globale të infektimit me koronavirus ka tejkaluar të mërkurën 200-milionëshin, teksa varianti Delta po i kërcënon rajonet me shkallë të ulët të vaksinimit.

 

Vendet që kanë raportuar për shtim më të madh të të infektuarve gjatë shtatëditëshit të fundit – Shtetet e Bashkuara të Amerikës, Brazili, Indonezia, India dhe Irani – numërojnë rreth 38-përqindëshin e të gjitha rasteve globale të raportuara secilën ditë

Numri i rasteve globale të infektimit me koronavirus ka tejkaluar të mërkurën 200-milionëshin, teksa varianti Delta po i kërcënon rajonet me shkallë të ulët të vaksinimit.

Shtimi i rasteve të reja është evidentuar në të paktën 83 nga 240 vendet e botës, kanë treguar të dhënat e përllogaritura nga agjencia e lajmeve Reuters.