Botë

Bideni ka kërkuar të bisedojë me Macronin lidhur me Aukusin

Foto: AP
 

Presidenti amerikan Joe Biden, dhe ai francez Emmanuel Macron, do të zhvillojnë në ditët në vijim një bisedë telefonike lidhur me tensionet mes dy shteteve për shkak të kontratës për nëndetëset, ka bërë të ditur një zëdhënës i Qeverisë franceze të dielën.

Njoftimi për bisedën vjen vetëm pak ditë pasi Franca i ka tërhequr ambasadorët e saj në Washington dhe Canberra, si kundërpërgjigje ndaj paktit të sigurisë të nënshkruar nga SHBA-ja, Britania e Madhe dhe Austrialia, e cila i mundëson shtetit australian që të përfitojë nga teknologjia e dy shteteve të tjera për të ndërtuar nëndetëse me energji nukleare.