Botë

Futja e Bullgarisë në Eurozonë ngre shqetësime serioze

Anëtarësimi i Bullgarisë do të shënonte zgjerimin e parë të Eurozonës, qëkur Lituania u bashkua më 2015, duke u bërë anëtarja e 19-të e zonës të monedhës së përbashkët. Por, a ka vërtet kuptim të pranosh një vend që ka pasur probleme të qëndrueshme me korrupsionin, pastrimin e parave dhe mbikëqyrjen financiare?

Assen Vassilev, ministri bullgar i Financave, është një pikënisje e shkëlqyer nëse dikush interesohet të mësojë nëse vendi i tij është gati të anëtarësohet në Eurozonë. Vassilev pret mysafirët e tij në një dhomë të gjerë konferencash që ka një histori mjaft interesante. Paraardhësi i tij mendohet të ketë marrë çanta plot para në këtë dhomë - gjoja në këmbim të favoreve politike, shkruan revista “Der Spiegel”.

 

Bullgaria ka probleme të theksuara me korrupsionin dhe shpëlarjen e parave. Megjithatë, Bashkimi Evropian po përgatitet për ta pranuar vendin si anëtar i radhës i Eurozonës. Shumëkush druan se kjo mund të jetë ide e keqe, shkruan “Der Spiegel”

Assen Vassilev, ministri bullgar i Financave, është një pikënisje e shkëlqyer nëse dikush interesohet të mësojë nëse vendi i tij është gati të anëtarësohet në Eurozonë. Vassilev pret mysafirët e tij në një dhomë të gjerë konferencash që ka një histori mjaft interesante. Paraardhësi i tij mendohet të ketë marrë çanta plot para në këtë dhomë - gjoja në këmbim të favoreve politike, shkruan revista “Der Spiegel”.

Një njeri mjaft i rezervuar me një zë të butë, Vassilev megjithatë krijon imazhin e një klase politike të vendit të tij që është brutalisht i hapur. Kontratat e sektorit publik, thotë ai, janë dhënë për vite pa tender. Nuk kishte kontrolle efektive dhe pastrimi i parave ishte një problem i rëndësishëm, përshkruan revista gjermane.