Botë

OKB-ja thërret SHBA-në e Kinën të shmangin luftën e ftohtë të re

 

Kombet e Bashkuara u kanë bërë thirrje Shteteve të Bashkuara të Amerikës dhe Kinës që të shmangin përshkallëzimin e raporteve të tyre “krejtësisht jofunksionale” para se problemet të kthehen në potencial për një luftë të ftohtë të re.

OKB-ja druan se përshkallëzimi do të mund të ndikonte në mbarë botën. Sekretari i përgjithshëm, Antonio Guterres, i ka thënë agjencisë së lajmeve, AP, para Asamblesë së Përgjithshme të përvitshme se dy fuqitë e mëdha ekonomike duhet të bashkëpunojnë për luftimin e pandemisë, shqetësimeve të klimës dhe sfidave të tjera planetare.