Botë

Talebanët paralajmërojnë: Do t’i rikthejmë ekzekutimet dhe amputimet

Foto: AP
 

Njëri prej themeluesve të talebanëve dhe zbatuesi kryesor i interpretimit të ashpër të ligjit islam kur ata sunduan për herë të fundit Afganistanin, ka deklaruar se do të rikthehen ekzekutimet dhe amputimet e duarve në Afganistan, ndonëse jo në publik.

Në një intervistë për Associated Press, Mullah Noorduddin Turabi, ka hedhur poshtë zemërimin për ekzekutimet që kryenin talebanët në të kaluarën, të cilat shpeshherë bëheshin para masave të mëdha nëpër stadiume, ndërkohë që ka paralajmëruar botën që të mos ndërhyjë në rregullat e reja të Afganistanit.