1 perditesime
19:19

Gjenerali amerikan e quan luftën 20-vjeçare në Afganistan “dështim strategjik”

Në dëshminë e tij para Kongresit mbi tërheqjen e trupave ushtarake nga Afganistani, gjenerali amerikan Mark Milley, e ka quajtur luftën 20-vjeçare një “dështim strategjik” dhe tha se beson se SHBA-ja duhej të mbante qimjëra trupa atje që të ndalonin rikthimin e talebanëve.

Milley, kryesues i Shefave të Përgjithshëm të Shtabit, refuzoi të tregoj se çfarë këshille i dha presidentit Joe Biden pranverën e kaluar kur Biden po konsideronte nëse do të mbante trupa në Afganistan. Por, ai i tha Komitetit të Senatit për Shërbimet e Armatosura se ishte mendimi i tij personal që të paktën 2500 nevojiteshin aty në gjendje gatishmërie në rast të rrëzimit të qeverisë së Kabulit dhe rikthimit të sundimit të talebanëve.

Në vlerësim të hapur për rezultatin e një lufte që i kushtoi me jetë 2461 amerikanëve, Milley e quajti atë dështim strategjik, raporton AP.

“Armiku është në pushtet në Kabul”, tha ai.

18:59

Gjenerali amerikan: Gjasat që ISIS të sulmojë SHBA-në janë shumë reale

Gjenerali amerikan Mark Milley ka paralajmëruar se terroristët e al-Qaedas në Afganistan mund të kërcënojnë SHBA-në në më pak se 12 muaj.

Talebanët nuk i kishin prishur lidhjet me grupin përgjegjës për 11 Shtatorin dhe ata mbetën një organizatë terroriste, tha Gjeneral Milley.

Ai dhe Sekretari i Mbrojtjes, Lloyd Austin, po merren në pyetje në Kongres për tërheqjen e muajit të kaluar nga Afganistani, raporton BBC.

“Një al-Qaeda e rikonstruktuar ose ISIS me aspirata për ta sulmuar SHBA-në është një mundësi shumë reale, dhe ato kushte për të përfshirë veprime në hapësirat e pakontrolluara mund të paraqiten në 12-36 muajt e ardhshëm", tha ai.

Qeveria u rrëzua ndërsa talebanët përparuan me shpejtësi nëpër vend.

Seanca dëgjimore, e mbajtur nga komiteti i shërbimeve të armatosura të Senatit, vjen javë pas tërheqjes kaotike në aeroportin e Kabulit, teksa fuqitë e huaja kërkonin të merrnin qytetarët e tyre në shtëpi dhe mijëra afganë të dëshpëruar luteshin për shpëtim.

Një sulm vetëvrasës vrau 182 njerëz gjatë operacionit të tërheqjes. 13 punonjës të shërbimit amerikan dhe të paktën 169 afganë u vranë më 26 gusht.