Një ish-anëtar i Parlamentit të Malawit, ka vrarë vetën brenda ndërtesës së Parlamentit në kryeqytetin Lilongwe të enjten, ka bërë të ditur për CNN një zëdhënës i Policisë.
Clement Chiwaya, një ish-deputet, ka qëlluar vetën në kokë, pasi kishte vjedhur një armë zjarri nga një nëpunës i Parlamentit, ka bërë të ditur ky zëdhënës.
Chiwaya thuhet se ka fituar qasje në ndërtesën e Parlamentit, pavarësisht kontrolleve rutinore të sigurisë.
"I ndjeri Chiwaya ishte një person me aftësi të kufizuara dhe po përdorte një karrige me rrota. Detektori i metaleve në ndërtesën e parlamentit zbuloi objekte metalike të cilat mendoheshin se ishin nga karriget me rrota, për këtë arsye ai u lejua të hynte", tha zëdhënësi i policisë, duke shtuar se siguria do të forcohet në ndërtesën e parlamentit.
Chiwaya, 50-vjeçar kishte shërbyer si deputet në tri legjislatura në Malawia, nga viti 2004 e deri në vitin 2019.
© KOHA. Të gjitha të drejtat janë të rezervuara.
