Raport: Britania do të shpëtonte mijëra jetë me masa më të hershme anti-COVID

Dështimi i Qeverisë britanike për ta zbatuar mbylljen e vendit në ditët e para të pandemisë së COVID-19 e radhit Anglinë në mesin e vendeve që i kushtuan më së paku rëndësi çështjeve të shëndetit publik.

Të dhënat janë nxjerrë nga një raport i hollësishëm gjithëpërfshirës për ndikimin e pandemisë. Në të specifikikohet se vonesa vdekjeprurëse ka çuar në vdekjen e panevojshme të mijëra qytetarëve. Raporti vlerëson se kjo ka ndodhur për shkak të dështimit të ministrave për t’i marrë seriozisht këshillat dhe rekomandimet e shkencëtarëve dhe ekspertëve të shëndetit publik, në kohën kur kishin nisur të shfaqeshin shenjat e para të përhapjes së pandemisë nga Azia Lindore.