Botë

Mbi 5 tonë kokainë sekuestrohen në Portugali

Foto: AP
 

Një operacion ndërkombëtar policor ka rezultuar me sekuestrimin e më se 5.7 tonelatave kokainë, vlera e së cilës në treg kap shifrën prej mbi 200 milion euro.

Lënda narkotike është konfiskuar në një jaht që lundronte në Oqeanin Atlantik. Shefi i policisë gjyqësore në Portugali, Luis Neves, ka thënë se dërgesa përbën njërin prej konfiskimeve më të mëdha në Evropë gjatë vjetëve të fundit dhe më të madhin në vend për 15 vjet.