Botë

Prindërve u kërkohet t’i vaksinojnë fëmijët

Foto: AP
 

Zonja e parë, Jill Biden, dhe kirurgu gjeneral, doktor Vivek Murthy, të hënën vizituan shkollën fillore “Franklin Sherman” në McLean të Virxhinas, për të lansuar fushatën mbarëkombëtare që promovon vaksinimin e fëmijëve

Administrata Biden po inkurajon shkollat lokale të shërbejnë si klinika të vaksinimit për fëmijë dhe si qendra informuese për prindërit ne lidhje me dobitë e vaksinimit pasi që Shtëpia e Bardhë synon të përshpejtojë procesin e vaksinimit për moshat 5 deri 11 vjeç.

Zonja e parë, Jill Biden, dhe kirurgu gjeneral, doktor Vivek Murthy, të hënën vizituan shkollën fillore “Franklin Sherman” në McLean të Virxhinas, për të lansuar fushatën mbarëkombëtare që promovon vaksinimin e fëmijëve. Kjo shkollë ishte e para që administroi vaksinën kundër poliomelitit në vitin 1954.