Botë

Dhjetëra udhëtarë nga Afrika e Jugut rezultojnë pozitivë me COVID-19 në Holandë

Foto: AP
 

Një total prej 61 personave që mbërritën në Holandë me dy fluturime nga Afrika e Jugut të premten, rezultuan pozitivë për koronavirusin, dhe janë menjëherë në izolim pasi bota është në ankth nga varianti i ri i koronavirusit, shumë të transmetueshëm.

Teste të mëtejshme janë duke u zhvilluar tani për udhëtarët që mbërritën në aeroportin Schiphol të Amsterdamit për të përcaktuar nëse ndonjë prej tyre ka variantin e ri Omicron të COVID-19, që u zbulua për herë të parë në Afrikën Jugore.