Filipinet po synojnë t'i vaksinojnë nëntë milionë njerëz kundër koronavirusit brenda tri ditëve. Kjo duke përdorur forca sigurie dhe mijëra vullnetarë për ta administruar programin.
Fushata e imunizimit u zvogëlua pasi herën e kaluar ishte vendosur të vaksinohen rreth 15 milionë, mirëpo kjo nuk u bë për shkak të hezitimit të njerëzve për t'i vaksinuar.
Tre milionë vaksinimi në ditë janë gati katër herë më shumë se mesatarja e 829.000 vaksinave ditore në nëntor, ka bërë të ditur autoritetet.
"Është më mirë të përgatitemi për efektet e Omicronit”, ka deklaruar zyrtari i administrimit të vaksinave.
Filipinet janë përballur me një nga shpërthimet më të mëdha të koronavirusit në Azi, dhe njëkohësisht me procesin e vaksinimit më të ngadaltë në rajon. Rreth 35.6 milionë banorë janë vaksinuar me dy doza, nga 110 milionë banorë sa ka.
