OBSH-ja ia ka frikën një “cunami” të rasteve me Omicron dhe Delta

Kreu i Organizatës Botërore të Shëndetësisë ka thënë se është i shqetësuar se variantet Delta dhe Omicron do të prodhojnë një “cunami” të rasteve pozitive, por shtoi se ka shpresë që bota do ta lë pas më të keqen e pandemisë në 2022-n.

Dy vjet pasi koronavirusi u shfaq, zyrtarët e lartë të OBSH-së thanë se është ende herët të thuhet me siguri se Omicroni është më i lehtë. Tashmë, ky variant është dominues në SHBA dhe disa pjesë në Evropë.