Botë

Fundoset një varkë në afërsi të Floridas, 39 persona rezultojnë të humbur

 

Roja Bregdetare e SHBA-së po kërkon 39 persona pasi një varkë raportohet se është fundosur ndërsa ishte duke shkuar në drejtim të Floridas nga Bahamet, raporton agjencia AP.

Një person ka njoftuar Rojat Bregdetare të martën, pasi shpëtoi një njeri që po mbahej në një varkë 72 kilometra në lindje të Fort Pierce. Burri tha se ishte me një grup që u largua nga ishulli Bimini në Bahame të shtunën mbrëma, por varka u fundos si pasojë e motit të keq. Ai ka thënë se asnjë person nuk kishte jelek shpëtimi.