1 perditesime
19:43

Shkon në 58 numri i të vdekurve nga reshjet e shiut në Brazil

Ka shkuar në 58 numri i të vdekurve si pasojë e shirave të rrëmbyeshëm dhe rrëshqitjes së dheut në rajonin e Rio de Janeiro, kanë bërë të ditura autoritetet.

Qyteti i Petropolis u godit nga një përmbytje të martën dhe kryebashkiaku, Rubens Bomtempo, ka thënë se numri i të vdekurve mund të rritet derisa kërkimet për të mbijetuar po vazhdojnë. Ndërkohë, 21 persona janë nxjerrë të gjallë.

Brazili juglindor është ndëshkuar me reshje të mëdha të shiut që nga fillimi i këtij viti, me më shumë se 40 të vdekur të regjistruar në incidentet në Minas Gerais në fillim të janarit, dhe Sao Paulo, më vonë gjatë të njëjtit muaj.

17:00

Të paktën 38 të vdekur nga shirat e rrëmbyeshëm dhe rrëshqitja e dheut në Brazil

Të paktën 38 persona kanë mbetur të vdekur si pasojë e shirave të rrëmbyeshëm dhe rrëshqitjes së dheut, në një regjion malor të Rio de Janeriros në Brazil të martën.

Qyteti i Petropolis u godit nga një përmbytje të martën dhe kryebashkiaku Rubens Bomtempo ka thënë se numri i të vdekurve mund të rritet ndërsa kërkuesit po vazhdojnë të kërkojnë për të mbijetuar.

Petropolis është një qytet i ndikuar nga gjermanët i emëruar sipas një ish-perandori. I vendosur në malet mbi metropolin bregdetar, për gati dy shekuj ai ka qenë një strehë për njerëzit që ikin nga vapa e verës dhe turistët e etur për të eksploruar "Qytetin Perandorak" të Brazilit.

Departamenti i Zjarrfikësve të Brazilit ka thënë të martën vonë se zona pati 25.8 centimetra shi brenda tre orëve të martën.

Video të postuara në mediat sociale tregonin vetura dhe shtëpi që tërhiqen zvarrë nga rrëshqitjet e dheut dhe uji që vërtitet nëpër Petropolis dhe rrethet fqinje. Rrjeti televiziv Globo tregoi shtëpi të groposura nën baltë në zona që zjarrfikësit nuk kishin mundur ende të hynin.