Shoqata për Telekomunikacionin Financiar Ndërbankar në mbarë botën (SWIFT) ka njoftuar se do të shkëpusë shtatë entitete ruse nga rrjeti i saj.
Shoqata ka shtuar se ata do të shkëputen nga shërbimet e tij që nga 12 marsi, gjë që është në përputhje me një rregullore të Këshillit të BE-së.
“Vendimet diplomatike të marra nga Bashkimi Evropian, në konsultim me Mbretërinë e Bashkuar, Kanadanë dhe Shtetet e Bashkuara, e sjellin SWIFT-in në përpjekje për t'i dhënë fund kësaj krize duke na kërkuar që të shkëputim banka të caktuara ruse nga shërbimet tona të mesazheve financiare”, thuhet në një deklaratë.
"Siç u tha më parë, ne do të respektojmë plotësisht ligjet e zbatueshme të sanksioneve. Barazia, diversiteti, respekti i ndërsjellë dhe bashkëpunimi global janë themeli mbi të cilin qëndron SWIFT dhe idealet që ne mbështesim si një kooperativë globale dhe politikisht neutrale”, thuhet më tej në deklaratë.
© KOHA. Të gjitha të drejtat janë të rezervuara.
