Sekretarja e Jashtme e Britanisë së Madhe, Liz Truss, ka bërë thirrje që të largohen gjitha bankat ruse nga sistemi SWIFT i pagesave, raporton BBC.
Truss gjendet në Lituani në vizitë.
Ajo ka thënë se luftimi i agresionit rus është për lirinë dhe sigurinë e të gjithëve e jo vetëm të Ukrainës.
Duke përmendur hapat, ajo ka thënë se duhet vazhdohet mëtutje me sanksione, përfshirë edhe largimin e gjitha bankave ruse nga sistemi SWIFT i pagesave, dhe të reduktohet varësia nga nafta dhe gazi nga Rusia.
“Ne duhet të degradojmë ekonominë ruse. Duhet të sigurohemi që ekonomia ruse të goditet aq rëndë sa të mos jetë në gjendje të financojë Putinin dhe makinerinë e tij të luftës”, tha Truss.
© KOHA. Të gjitha të drejtat janë të rezervuara.
