Rusia pretendon se nuk e ka sulmuar teatrin në Mariupol
Foto: Telegram
22:55 - Rusia pretendon se nuk e ka sulmuar teatrin në Mariupol
Ambasadori i Rusisë në Organizatën e Kombeve të Bashkuara, Vasily Nebenzya, ka thënë se teatri në Mariupol, në të cilin besohej se ndodheshin të strehuar qindra ukrainas, nuk është bombarduar nga forcat ruse.
Në një intervistë për Sky News pas mbledhjes së Këshillit të Sigurimit të OKB-së të enjten, Nebenzya e ka mohuar se trupat e shtetit të tij e kanë sulmuar teatrin, sulm ky nga i cili mbetën të vdekur disa persona.
Rusia i ka thënë Këshillit të Sigurimit të Kombeve të Bashkuara se situata në teatrin në Mariupol, e cila besohet gjerësisht të jetë vepër e një sulmi ajror rus, ishte në vend të kësaj një situatë pengjesh e ndërmarrë nga nacionalistët ukrainas.
Nebenzya ka thënë gjatë mbledhjes së KS të OKB-së në New York se Azov, një milici e ekstremit të djathtë në Ukrainë dhe që konsiderohet të jetë një objektiv i forcave ruse, po mbante peng njerëz në teatër dhe po përgatitej për një, siç e ka quajtur "provokim të përgjakshëm".
Ai po ashtu ka thënë se po shpërndahen shumë lajme të rreme për luftën në Ukrainë.
Më poshtë mund të ndiqni deklaratën e tij:
Russian ambassador to the UN continuing to peddle disinformation about Ukraine. Tells @SkyNews that Russia didn’t bomb theatre in Mariupol. pic.twitter.com/TQHiezq3PK
22:51 - Kryebashkiaku i Velykoburlutskas në Ukrainë kapet nga forcat ruse
Kryebashkiaku i Velykoburlutska, Viktor Tereshchenko, në rajonin verilindor të Kharkivit në Ukrainë, është kapur nga forcat ruse, ka njoftuar Oleh Syniehubov, kreu i Administratës Rajonale Shtetërore të Kharkivit, të enjten.
“Ne kemi lajme sot se rusët kapën kreun e komunitetit Velykoburlutska, Viktor Nikolaevich Tereshchenko. Njerëz të tillë duhet të kenë siguri. Victor Nikolaevich u rrëmbye thjesht nga vendi i tij i punës dhe u dërgua në stacionin e policisë lokale. Ata e mbajnë atë dhe nuk do ta lirojnë”, ka thënë Syniehubov, raporton CNN.
Vendasit e dënojnë aktin, ka shtuar ai, dhe tha se po punon për të liruar kryetarin e fshatit sa më shpejt të jetë e mundur.
“Së shpejti territoret tona të okupuara do të jenë sërish tonat”, ka thënë ai. “Derisa forcat ruse nuk e kanë marrë Kharkivin, ato vazhdojnë terrorin e tyre kundër popullatës civile, veçanërisht kundër krerëve të komuniteteve territoriale të rajonit të Kharkivit sot", ka shtuar Syniehubov.
Kjo vjen një ditë pasi kryetari i bashkisë së Melitopol, Ivan Fedorov, i cili ishte kapur nga forcat ruse, u lirua si pjesë e një shkëmbimi të të burgosurve.
21:42 - Përparimi rus në Ukrainë ka ngecur, sipas Pentagonit
Departamenti Amerikan i Mbrojtjes ka deklaruar të enjten se përparimi rus në Ukrainë ka ngecur në thelb, raporton BBC.
"Ata qartësisht nuk ishin të përgatitur që ata të ishin në pozicionin në të cilin janë qe tri javë - në thelb të ngrirë në të gjithë vendin, duke luftuar për të furnizuar veten me karburant, për të ushqyer trupat e tyre, për t'i furnizuar ata me armë dhe municione dhe duke hasur në rezistencë shumë të vendosur ukrainase”, ka thënë një zyrtar i lartë i këtij departamenti.
Forcat ruse kanë pasur një sukses të fundit: pushtimin e qytetit lindor të rrethuar të Izyum.
Por Pentagoni beson se morali është i ulët në disa njësi ruse, i penguar nga udhëheqja e dobët dhe mungesa e informacionit.
Sipas zyrtarit, forcat pushtuese kanë diskutuar çështjet e furnizimit dhe burimeve - një shenjë se ata janë të shqetësuar për jetëgjatësinë, por ka shtuar nuk kanë sjellë ende trupa apo burime të reja.
20:37 - Mbi 40 sulme ndaj objekteve shëndetësore në Ukrainë deri më tani
Organizata Botërore e Shëndetësisë (OBSH) ka konfirmuar të enjten se ka pasur 43 sulme ndaj kujdesit shëndetësor ukrainas deri më tani.
Kreu i OBSH-së ka deklaruar se sulmet ndaj kujdesit shëndetësor janë shkelje e ligjit ndërkombëtar.
"Në çdo konflikt, sulmet ndaj kujdesit shëndetësor janë shkelje e ligjit ndërkombëtar”, ka thënë drejtori i Përgjithshëm i OBSH-së, Tedros Adhanom Ghebreyesus, në mbledhjen e Këshillit të Sigurimit të OKB-së të enjten.
Qindra civilë, në mesin e të cilëve edhe shumë fëmijë janë varë deri më tani, nga sulmet e forcave ruse në Ukrainë.
19:45 - Blinkeni pajtohet me vlerësimin e Bidenit se Putini ka kryer krime lufte
Sekretari amerikan i Shtetit, Antony Blinken, ka thënë se pajtohet me cilësimet e presidentit Joe Biden se presidenti rus, Vladimir Putin është një kriminel lufte.
Sipas tij, nëse synohen civilët qëllimshëm, ky padyshim se është një krim lufte dhe bazuar në situatën e krijuar për tri javë, është e vështirë të thuhet se rusët nuk po kryejnë krime.
19:13 - Zyrtari i UNICEF-it: Fëmijëve në Ukrainë po iu mohohet fëmijëria
Joe English, përfaqësues i UNICEF-it, ka deklaruar të enjten se fëmijëve në Ukrainë po iu mohohet fëmijëra, derisa shtoi se deri më tani janë verifikuar 50 fëmijë të vrarë atje.
“Ka mundësi që numri real të jetë shumë më i lartë. Kjo nuk është fëmijëri. Ne duhet t’iu ofrojmë këtyrë fëmijëve paqe dhe një mundësi për të filluar rindërtimin e jetës së tyre”, tha ai.
Autoritetet ukrainase kanë njoftuar ditë më parë se numri i fëmijëve të vrarë nga rusët është 107.
19:04 - Italia shprehet e gatshme ta rindërtojë teatrin ukrainas të bombarduar
18:39 - Sllovakia konfirmon gatishmërinë për t’i siguruar Ukrainës sisteme të mbrojtjes ajrore
Ministri sllovak i Mbrojtjes, Jaroslav Nad’, ka thënë se Sllovakia është e gatshme t’i sigurojë Ukrainës sistemet e mbrojtjes ajrore S-300, derisa ka njoftuar se janë në diskutime me Shtetet e Bashkuara të Amerikës dhe me aleatët tjerë për një “zëvendësim të duhur, ose një aftësi të garantuar për një periudhë të caktuar kohore”.
“Jemi të gatshëm ta bëjmë këtë menjëherë kur të kemi një zëvendësues të duhur”, ka thënë Nad’ në një konferencë të përbashkët shtypi me Sekretarin e Mbrojtjes së SHBA-së, Lloyd Austin. “I vetmi sistem strategjik i mbrojtjes ajrore që kemi në Sllovaki është sistemi S-300. Pra, ajo që do të ndodhte menjëherë kur të vendosim t'ua japim ukrainasve është që të krijojmë një hendek sigurie në NATO”, ka shtuar ai, raporton CNN.
18:14 - Aksidentohet në Lituani autobusi me refugjatë ukrainas, 10 të lënduar
Dhjetë persona nga Ukraina, përfshirë fëmijë kanë mbetur të lënduar pasi autobusi me të cilin po udhëtonin për në Finlandë, në përpjekje për tu larguar nga konflikti në vendin e tyre, është aksidentuar.
Autobusi i cili besohet se transportonte 53 gra dhe fëmijë që po iknin nga konflikti, ka pësuar aksident në qytetin Pasvalys të Lituanisë.
Autobusi po udhëtonte nga kufiri Poloni-Ukrainë drejt Finlandës, kur shoferi i tij ka humbur kontrollin, raporton kanali nacional lituanez, LRT.
Të lënduarit raportohet se janë dërguar për trajtim në spitalet e afërta me vendin e aksidentit.
Ndërkohë, pasagjerët që nuk kanë pësuar lëndime, janë dërguar në një qendër kulturore në Lituani.
17:48 - Mbi 30 mijë banorë të Mariupolit e kanë lëshuar vendin
Autoritetet ukrainase njoftuan se rreth 30 mijë banorë të Mariupolit kanë ikur nga ky qytet. Siç raporton Reuters të enjten, në qytet të fshehur ende janë mbi 350 mijë banorë.
Qyteti thuhet se është i rrethuar nga forcat ruse, derisa ditëve të fundit pati shtim të sulmeve dhe bombardimeve
Zyrtarët e Ukrainës njoftuan se banorët e mbetur gjenden pa ngrohje, pa energji elektrike dhe pa ujë të pijshëm tash e dy javë.
17:29 - Erdogani fton Putinit për bisedime me Zelenskyn në Turqi
Presidenti turk, Recep Tayyip Erdogan, derisa zhvilloi një telefonatë me homologun e tij rus, Vladimir Putin, i ka ofruar atij që ta presë atë dhe liderin ukrainas, Volodymyr Zelensky për bisedime.
Siç bëhet e ditur në njoftimin e lëshuar nga zyra e tij, Erdogan i tha Putinit se marrëveshja për çështje të caktuara mund të kërkonte një takim midis liderëve.
Sipas njoftimit, Erdogan tha gjithashtu se një armëpushim i qëndrueshëm mund të çojë në një zgjidhje afatgjatë.
Autoritetet në qytetin lindor të rrethuar të Mariupolit kanë thënë se deri në 90% të ndërtesave në qytet janë shkatërruar nga forcat ruse, nga bombardimet e përditshme të qytetit.
Lesia Vasylenko, një deputete ukrainase, ka shkruar në Tëitter se qyteti po "shkatërrohet nga qielli" dhe përsëriti thirrjen e presidentit, Volodymyr Zelensky, drejtuar vendeve perëndimore, për të vendosur një zonë të ndaluar fluturimi mbi vend.
Raporti vjen mes raporteve se ekipet e shpëtimit në qytet po përpiqen të nxjerrin të mbijetuarit e një sulmi në një teatër, ku rreth 1000 njerëz, kryesisht gra dhe fëmijë, ishin fshehur nga bombardimet.
Përpjekja e shpëtimit po vazhdon mes bombardimeve të forta nga forcat ruse në periferi të qytetit.
Foto: AP
16:14 - Bideni do të diskutojë të premten me presidentin kinez, Xi Jinping
16:09 - Të paktën 21 të vdekur pas një sulmi ajror pranë Kharkivit
Të paktën 21 persona janë vrarë pas një sulmi ajror në një shkollë dhe qendër komunitare në Merefa, afër qytetit të rrethuar të Kharkiv, në perëndim të Ukrainës.
Kryetari i komunës Merefa Veniamin Sitov tha se sulmi ka ndodhur pak para agimit të mëngjesit të sotëm.
Nuk dihet nëse mes të vdekurve ka edhe fëmijë.
13:30 - Inteligjenca amerikane thotë se rreth 7000 ushtarë rusë janë vrarë në Ukrainë
12:13 - Rusia mohon se janë afër marrëveshjes me Ukrainën
Kremlini ka thënë të enjten se Rusia po bën përpjekje kolosale në bisedimet për një marrëveshje të mundshme paqeje me Ukrainën që mund të ndalonte operacionin ushtarak rus atje, por mohuan raportimet se kanë bërë progres për një marrëveshje.
11:25 - Kremlini thotë se nuk do të marrë parasysh kërkesën e gjykatës për të ndaluar pushtimin
Rusia ka sinjalizuar se nuk do të ndalë pushtimin e saj në Ukrainë, pasi Gjykata e Lartë e Kombeve të Bashkuara urdhëroi ndalimin e menjëhershëm.
Gjykata kishte thënë se ishte “thellësisht i shqetësuar” nga përdorimi i forcës nga Rusia.
Kremlini ka thënë se tani nuk do t’i kushtojë vëmendje urdhrit, duke akuzuar mediat perëndimore për përhapjen e “lajmeve të rreme monstruoze” lidhur me konfliktin.
Rusia goditi gjithashtu SHBA-në pasi presidenti Joe Biden etiketoi Vladimir Putinin si “kriminel lufte”.
Një zëdhënës tha se Putini është një “figurë ndërkombëtare shumë e mençur dhe e kuluturuar”.
Ata thanë gjithashtu se SHBA-ja ka bombarduar prej kohësh civilë dhe ka përdorur armë bërthamore në Japoni dhe në fund të Luftës së Dytë Botërore, Biden “nuk ka të drejtë të mbajë leksione për Rusinë”.
I pyetur për raportet e progresit në bisedimet e paqes me Ukrainën, Kremlini tha se negociatorët rusë po vendosnin “energji kolosale” në diskutime - më shumë se Ukraina.
Kushtet e Rusisë për një marrëveshje paqeje janë “absolutisht të qarta” dhe mund të ndalojnë atë që po ndodh shumë shpejtë.
11:20 - Reznikov e quan monstër pilotin rus që bombardoi teatrin në Mariupol
Reznikov duke folur në Parlamentin Evropian nëpërmjet një videolidhje, ka thënë se piloti rus ka hedhur bombën ndonëse është shkruar me të madhe “fëmijë” në dy anët e teatrit.
11:18 - Ukraina thotë se kanë rënë dakord për nëntë korridore evakuimi
Nëntë rrugë evakuimi që çojnë nga qytete të ndryshme të Ukrainës, duke përfshirë qytetin e rrethuar juglindor të Mariupoliot, janë rëndë dakord për të enjten, tha qeveria ukrainase.
Korridoret janë projektuar për të lejuar transportin e sigurt të ndihmave humanitare në qytete dhe kalimin e sigurt për banorët që duan të largohen.
Ditët e fundit, një numër në rritje i automjeteve private kanë dalë nga Mariupoli edhe pse nuk ka pasur një korridor zyrtar. Një kolonë humanitare e destinuar për në qytet është bllokuar në Berdiansk, rreth 80 kilometra në perëndim, për ditë të tëra.
Iryna Vereshchuk, ministre përgjegjëse ukrainase tha se korridore të tjera janë rënë dakord në rajonin e Kievit, duke përfshirë nga Borodianka në Zhytomyr dhe nga fshati Shevchenkove në Brovary.
Për më tepër, Vereshchuk tha se qeveria po planifikon të dërgojë ndihma humanitare në qytetet Hostomel dhe Bucha, si dhe në fshatrat Semypolky, Markivtsi dhe Opanasiv.
11:06 - Mijëra fëmijë ukrainas të rrezikuar nga trafikimi
Jeremy Locke, një veteran ushtarak amerikan që po ndihmon të organizohet evakuimi i këtyre fëmijëve, ka thënë se lufta dhe nxitimi për të evakuuar fëmijët nga konflikti hap mundësi për bandat kriminale.
9:35 - Kryetari i Chernihivit thotë se vetëm të mërkurën vdiqën 53 qytetarë
Në qytetin verior të Ukrainës u raportua për një sulm me bomba nga forcat ruse, që kishte shënjestruar një grup të civilëve që po prisnin në rresht për të blerë bukë.
9:29 - Gati 2 milionë refugjatë kanë shkuar në Poloni nga Ukraina
08:26 - Kryetari i Mariupolit: Rusëve u pëlqen shija e gjakut
Kryetari i qytetit të Mykolaivit në Ukrainë ka dënuar sulmin rus në teatrin në Mariupol, raporton BBC të enjten.
Rreth 1000-1200 civilë u raportuan se ishin strehuar në teatër para se të sulmohej nga forcat ruse. Numri i viktimave nuk dihet ende.
“Do ta quaja këtë nazizëm rus sepse ata vrasin njerëz. Kur ata thonë se po përpiqen ta çmilitarizojnë Ukrainën, është totalisht e pavërtetë sepse ata vrasin civilë”, ka thënë Oleksandr Senkevych.
“Kështu që, mendoj se atyre u pëlqen shija e gjakut”.
Sipas njoftimit të Shërbimit të Emergjencës së Ukrainës, raketa ka goditur rreth orës 3:30 të enjten.
08:18 - Goditet ndërtesa me banorë në Kiev, një i vdekur
Një person ka vdekur dhe tre janë lënduar pasi një raketë goditën një ndërtesë të banuar në Kiev, ka thënë shërbimi i emergjencave të Ukrainës.
Ndërtesa është goditur mëngjesin e së enjtes në distriktin Darnytskiyi.
Ekipet e shpëtimit po punojnë për kërkimin e trupave që mund të kenë mbetur nën rrënoja.
Ofensiva ruse në Ukrainë “ka stagnuar me të madhe në të gjitha frontet”, thuhet në raportin ditor të Inteligjencës britanike.
Sipas raportit, të publikuar në faqen e Ministrisë së Mbrojtjes së Britanisë, thuhet se forcat ruyse kanë bërë përparim minimal në ditët e fundit dhe mund të vazhdojnë të pësojnë humbje të mëdha.
“Rezistenca ukrainase mbetet e fortë dhe shumë mirë e koordinuar. Shumica e territorit ukrainas, përfshirë edhe gjitha qytetet e mëdha, mbesin në duar të ukrainasve”, thuhet në raport.
Ukraina ka raportuar se afro 14 mijë ushtarë rusë janë vrarë gjatë pushtimit rus të nisur më 24 shkurt. Ndërsa Moska ka raportuar vetëm për afro 500 ushtarë të vdekur. Inteligjenca e SHBA-së ka llogaritur se numri i të vdekurve është afro 7000.
